بس اک نگاہ سے مستِ شراب کر کے مجھے
کسی نے چھوڑ دیا انتخاب کر کے مجھے
مرے سوال پر آنکھیں اٹھی تھیں لب تھے چپ
دیا جواب مگر لاجواب کر کے مجھے
وہ اس ادا سے چلے آج اجنبی بن کر
یہ بخت آج اندھیرے مِرے مقابل ہیں
’’زمیں پہ پھینک دیا آفتاب کر کے مجھے‘‘
حیات درد ہے اور درد ہے حیات مری
ازل سے بھیجا گیا انتخاب کر کے مجھے
شکستِ شوق سے جس نے مجھے بچایا تھا
وہ شخص پھر نہ ملا کامیاب کر کے مجھے
بڑے خلوص سے لا کر حیات چھوڑ گئی
اسیرِ زلف قتیلِ شباب کر کے مجھے
رہا نہ فوقؔ زمانے سے اب کوئی پردہ
نتیجہ دیکھ لیا بے نقاب کر کے مجھے
فوق کریمی
No comments:
Post a Comment