آئینہ بن کر کبھی ان کو بھی حیراں دیکھئے
اپنے غم کو ان کی صُورت سے نمایاں دیکھئے
اس دیارِ چشم و لب میں دل کی یہ تنہائیاں
ان بھرے شہروں میں بھی شامِ غریباں دیکھئے
عمر گزری دل کے بُجھنے کا تماشا کر چکے
دیکھئے اب کے برس کیا گُل کِھلاتی ہے بہار
کتنی شدت سے مہکتا ہے گلستاں دیکھئے
اے منیرؔ اس انجمن میں چشمِ لیلیٰ کا خیال
سردیوں کی بارشوں میں برق لرزاں دیکھئے
منیر نیازی
No comments:
Post a Comment