ہم کو تو وہ ملا ہے جو تیری عطا نہیں

ہم کو تو وہ مِلا ہے جو تیری عطا نہیں
پتّے ادھر اڑے ہیں جدھر کی ہَوا نہیں
ہم لوگ تو ہیں قید میں ایسے مکان کی
جس کا کوئی کواڑ گلی میں کھلا نہیں
پہلے تو شاخ شاخ پر تھے آشیاں بہت
اب حال یہ ہے پیڑ پہ پتّا رپا نہیں
موسم ہُوا پے سرد تو پیڑوں پہ دُور تک
چڑیوں کا گُنگناتا ہُوا شور سا نہیں
کہتے ہیں لوگ رات ہَوا تیز تھی بہت
شاید کوئی چراغ کہیں بھی جلا نہیں
اس سے ملے تو دیر تلک گفتگو رہی
گوہرؔ اب اپنا کوئی سخن ان کہا نہیں

افضل گوہر