زمین پاؤں تلے سر پہ آسمان لئے
ندائے غیب کو جاتا ہوں بہرے کان لئے
میں بڑھ رہا ہوں کسی رعدِ ابر کی جانب
بدن کو ترک کئے اور اپنی جان لئے
یہ میرا ظرف کہ میں نے اثاثۂ شب سے
بس ایک خواب لیا اور چند شمع دان لئے
میں سطحِ آب پہ اپنے قدم جما لوں گا
بدن کی آگ لئے اور کسی کا دھیان لئے
میں چل پڑوں گا ستاروں کی روشنی لے کر
کسی وجود کے مرکز کو درمیان لئے
پرندے میرا بدن دیکھتے تھے حیرت سے
میں اڑ رہا تھا خلا میں عجیب شان لئے
قلیل وقت میں یوں میں نے ارتکاز کیا
بس اک جہان کے اندر کئی جہان لئے
ابھی تو مجھ سے میری سانس بھی تھی نامانوس
کہ دستِ مرگ نے نیزے بدن پہ تان لئے
زمیں کھڑی ہے کئی لاکھ نوری سالوں سے
کسی حیاتِ مسلسل کی داستان لئے
رفیق سندیلوی
ندائے غیب کو جاتا ہوں بہرے کان لئے
میں بڑھ رہا ہوں کسی رعدِ ابر کی جانب
بدن کو ترک کئے اور اپنی جان لئے
یہ میرا ظرف کہ میں نے اثاثۂ شب سے
بس ایک خواب لیا اور چند شمع دان لئے
میں سطحِ آب پہ اپنے قدم جما لوں گا
بدن کی آگ لئے اور کسی کا دھیان لئے
میں چل پڑوں گا ستاروں کی روشنی لے کر
کسی وجود کے مرکز کو درمیان لئے
پرندے میرا بدن دیکھتے تھے حیرت سے
میں اڑ رہا تھا خلا میں عجیب شان لئے
قلیل وقت میں یوں میں نے ارتکاز کیا
بس اک جہان کے اندر کئی جہان لئے
ابھی تو مجھ سے میری سانس بھی تھی نامانوس
کہ دستِ مرگ نے نیزے بدن پہ تان لئے
زمیں کھڑی ہے کئی لاکھ نوری سالوں سے
کسی حیاتِ مسلسل کی داستان لئے
رفیق سندیلوی
No comments:
Post a Comment