تُو کہاں چلی گئی تھی
تیرا بے قرار انشاؔ
تیری جستجو میں حیراں
تیری یاد میں سلگتا
کبھی بستیوں بنوں میں
کبھی سوئے کوہ صحرا
کبھی بے کس تنہا
لیے دید کی تمنا
بنا آرزو سراپا
تجھے ہر جگہ پکارا
تجھے ڈھونڈ ڈھونڈ ہارا
تو کہ روحِ زندگی تھی
تو کہاں چلی گئی تھی
غمِ عاشقی نبھاتا
یا اداس گیت گاتا
میری شاعری کی رانی
میری حاصلِ جوانی
میری جانِ زندگانی
تو کہاں چلی گئی تھی
تو کہاں چلی گئی تھی
ابن انشا
No comments:
Post a Comment