ڈھونڈتے رہ جائیں گے جائے اماں اس دیس میں

ڈھونڈتے رہ جائیں گے جائے اماں اِس دیس میں
ظلم کرنے والے اِک دن حکمراں اِس دیس میں
اب کسی دہلیز سے انصاف ملتا ہی نہیں
لوگ دھرنے دے رہے ہیں یاں وہاں اِس دیس میں
حق بیانی کرنے والے اب یہاں ناپید ہیں
ہیں حکومت کے خواری ترجماں اِس دیس میں
ظلم کرنے والے سارے ایک دن پچھتائیں گے
قہر برسائے گا اِن پر آسماں اِس دیس میں
کوئی سنتا ہی نہیں فریاد یاں لاچار کی
عرض لے کر لوگ اب جائیں کہاں اِس دیس میں
حالتِ زارِ عوام الناس کا مت پوچھئے
ظلم و وحشت کا ہے اِک سیلِ رواں اِس دیس میں
ڈٹ گیا ہے آج جبرِ ناروا کے سامنے
اِک نئی امید ہے عمران خاں اِس دیس میں
ہم عبث سمجھے تھے اُن کو رہنما اپنا صفیؔ
رہزنوں کے بھیس میں ہیں حکمراں اِس دیس میں

عتیق الرحمٰن صفی