عجیب صورتِ حالات ہونے والی ہے
بلا کی دھوپ میں برسات ہونے والی ہے
سکوت چھایا ہوا ہے غضب کا لہروں پر
کنارِ دریا کوئی بات ہونے والی ہے
نمازِ شکر تو پڑھ لوں کہ تیغِ قاتل کی
اے ریگزارِ قضا، تیری بے ہویدا خاک
ذرا ہی دیر میں سوغات ہونے والی ہے
لو آ رہے ہیں وہ لاشیں کچلنے والے سوار
ہے جشنِ فتح، شروعات ہونے والی ہے
جو بچ گئے ہیں اُنہیں میّتیں سمیٹنے دے
اے رقص گاہِ اجل! رات ہونے والی ہے
جو اپنی آگ سے روشن ہیں وہ چراغ ہیں ہم
ہمیں ہوا سے کہاں مات ہونے والی ہے
عارف امام
No comments:
Post a Comment