آدمؑ کا جسم جب کہ عناصر سے مِل بنا
کچھ آگ بچ رہی تھی سو عاشق کا دل بنا
سرگرمِ نالہ اِن دنوں میں بھی ہوں عندلیب
مت آشیاں چمن میں مرے متّصل بنا
جب تیشہ کوہکن نے لیا ہاتھ تب یہ عشق
جس تیرگی سے روز ہے عشّاق کا سیاہ
شاید اسی سے چہرۂ خوباں پہ تِل بنا
لب زندگی میں کب ملے اُس لب سے اے کلال
ساغر ہماری خاک کو مت کر کے گِل بنا
اپنا ہنر دکھاویں گے ہم تجھ کو شیشہ گر
ٹُوٹا ہوا کسی کا اگر ہم سے دل بنا
سن سن کے عرضِ حال مرا یار نے کہا
سوداؔ نہ باتیں بیٹھ کے یاں متّصل بنا
مرزا رفیع سودا
No comments:
Post a Comment