غم خیالوں میں پال رکھے ہیں

 غم خیالوں میں پال رکھے ہیں 

اور لبوں پر سوال رکھے ہیں

کاسۂ دل میں اور نہیں ہے کچھ 

زخم کتنے سنبھال رکھے ہیں

ہم خیالوں کی یہ شکایت ہے

درد سارے نِڈھال رکھے ہیں

سر لے کے ہتھیلی پہ نکلنا ہی پڑے گا

 سر لے کے ہتھیلی پہ نکلنا ہی پڑے گا

پھن سانپ کے بچے کا کُچلنا ہی پڑے گا

نفرت کی فضاؤں کو نِگلنا ہی پڑے گا

سُورج کو اندھیروں سے ہی پڑے گا

ہاتھوں کی لکیروں میں ابھر آئے ہیں چھالے

اب درد کو آنکھوں سے اُبلنا ہی پڑے گا

جب تلک عشق کا افسانہ مکمل ہو گا

 جب تلک عشق کا افسانہ مُکمل ہو گا

ایک طُوفان بپا ذہن میں ہر پل ہو گا

دل دھڑکنے کی صدا اتنی کہاں ہوتی ہے

پاس ہی شور مچاتا کوئی پاگل ہو گا

اتنا آسان نہیں دشتِ تمنا کا سفر

کہیں دریا تو کوئی راستہ دلدل ہو گا

وہ غم دے رہے ہیں خوشی ہو رہی ہے

 وہ غم دے رہے ہیں خُوشی ہو رہی ہے

حقیقت میں اب عاشقی ہو رہی ہے

ابھی مُحتسب مے کدے میں نہ آئیں

ٹھہر جائیے، مے کشی ہو رہی ہے

محبت میں کتنے ہی منصور گُم ہیں

خُودی بھی یہاں بیخودی ہو رہی ہے

سمندر تھا کبھی صحرا ہوا ہے

 سمندر تھا کبھی صحرا ہُوا ہے

وہ کیا تھا اور دیکھو کیا ہوا ہے

نہیں معلوم اس کو حشر اپنا

پرندہ جال پر بیٹھا ہوا ہے

گُناہِ عشق میں کیسی رِہائی

تمہارے ساتھ تو دھوکہ ہوا ہے

اے ہم نفسو درد کی یہ رات کڑی ہے

 اے ہم نفسو! درد کی یہ رات کڑی ہے

سر تھامے ہوئے دل میں کہیں آس کھڑی ہے

ہمرنگ شفق ہے دل معصوم کا عالم

وہ دورِ تمنّا کی سحر چُپ کے کھڑی ہے

اُجلی تھی تِری یاد کی یہ زرد سی پتّی

خاکستر ایام میں خاموش پڑی ہے

یوں بھی تو ستایا ہے تری جلوہ گری نے

 یوں بھی تو ستایا ہے تِری جلوہ گری نے

آنکھیں نہ مِلائیں مِری بالغ نظری نے

منت کشِ پندارِ جنوں ہے دلِ پُر خُوں

ان کا بھی سہارا نہ لیا بے خبری نے

اے حُسن دلآرا! تِری اک ایک ادا کو

پروان چڑھایا مِری حیرت نگری نے