یُوں ہِردے کے شہر میں اکثر تیری یاد کی لِہر چلے
جیسے اِک دیہات کی گوری گِیت الاپے شام ڈھلے
دُور اُفق پر پھیل گئی ہے کاجل کاجل تاریکی
پاگل پاگل تنہائی میں کس کی آس کا دِیپ جلے
چاند نگر کے اَوتاروں کو کون بھلا سمجھائے گا
جب بھی کومل پُھول کِھلے ہیں سانجھ سویرے گُلشن میں
مَن میں کتنی آگ لگی ہے دِل پر کتنے تِیر چلے
جس کی صورت اُجلی اُجلی، مَن تاریک سمندر ہو
ایسے یار کے پیار سے محسنؔ صحراؤں کے ناگ بَھلے
محسن نقوی
No comments:
Post a Comment