حادثے کے لیے تیار مجھے کرتا ہے
روز اک خواب خبردار مجھے کرتا ہے
یہ تو میں ہوں جو کناروں میں سمٹ جاتا ہوں
تُو سمجھتا ہے کہ تُو پار مجھے کرتا ہے
پہلے میں راستہ ہموار کیا کرتا تھا
اور اب راستہ ہموار مجھے کرتا ہے
قبر بنتی ہوئے دیکھی نہیں جاتی مجھ سے
ایسے جیسے کوئی مسمار مجھے کرتا ہے
دوسروں کے لیے مصروفِ عمل رہتا ہوں
دشت دریا کا طلب گار مجھے کرتا ہے
منتخب تمغۂ جرأت کے لئے ہے وہ بھی
جو مِرے ڈر سے گرفتار مجھے کرتا ہے
اپنی پہچان بناتا ہوا موسم شاہدؔ
زخم دے دے کے ثمردار مجھے کرتا ہے
روز اک خواب خبردار مجھے کرتا ہے
یہ تو میں ہوں جو کناروں میں سمٹ جاتا ہوں
تُو سمجھتا ہے کہ تُو پار مجھے کرتا ہے
پہلے میں راستہ ہموار کیا کرتا تھا
اور اب راستہ ہموار مجھے کرتا ہے
قبر بنتی ہوئے دیکھی نہیں جاتی مجھ سے
ایسے جیسے کوئی مسمار مجھے کرتا ہے
دوسروں کے لیے مصروفِ عمل رہتا ہوں
دشت دریا کا طلب گار مجھے کرتا ہے
منتخب تمغۂ جرأت کے لئے ہے وہ بھی
جو مِرے ڈر سے گرفتار مجھے کرتا ہے
اپنی پہچان بناتا ہوا موسم شاہدؔ
زخم دے دے کے ثمردار مجھے کرتا ہے
شاہد ذکی
No comments:
Post a Comment