وہ شخص جس کو مری زندگی میں آنا تھا

وہ شخص جس کو مِری زندگی میں آنا تھا
سنا ہے اس کے تعاقب میں اِک زمانہ تھا
نہ تھا پسند کسی کو بھی دِل کا دل سےملاپ
مگر، ہمیں تو دیے سے دِیا جلانا تھا
نہ جانے بھیگ چلی کیوں ہماری پیشانی
ہمارے سر پہ تو سورج کا شامیانہ تھا
بہت عرو ج پہ جب تھے جب ہمارے قول و قسم
ہمارے پیار کا وہ آخری زمانہ تھا
بہت قریب، بہت ہی قریب تھا صیّاد
قفس سے دور بہت دور آشیانہ تھا
قتیلؔ تجھ کو ملی ہے اس لیے شہرت
کہ تُو سماج کی تنقید کا نشانہ تھا

قتیل شفائی