ہر ایک بات پہ تلوار کھینچتا کیوں ہے

ہر ایک بات پہ تلوار کھینچتا کیوں ہے

تُو میرے سر سے یہ دستار کھینچتا کیوں ہے

تُو صاف کیوں نہیں کہتا، کہ چھوڑ جا مجھ کو

قدم قدم پہ یہ دیوار کھینچتا کیوں ہے

میں وه نہیں ہوں جو دنیا سمجھ رہی ہے مجھے

میں وه نہیں ہوں تو انکار کھینچتا کیوں ہے

کوئی طلب، نہ تعلق ہے، نہ کوئی رشتہ

تو پهر بتاؤ مجھے یار کھینچتا کیوں ہے

بلا رہا ہے ادھر دشت سے کوئی مجھ کو

ادھر یہ مصر کا بازار کھینچتا کیوں ہے

میں کوئی میثمِ تمار تو نہیں میثمؔ

مرا جنون سرِ دار کھینچتا کیوں ہے

میثم علی آغا