تِرے دیار میں ہم سر جھکائے پھرتے ہیں
نگاہِ ناز کے احسان اٹھائے پھرتے ہیں
کسی کی زُلف پریشان، کسی کا دامن چاک
جنون کو لوگ تماشا بنائے پھرتے ہیں
قدم قدم پہ لیا انتقام دنیا نے
تمہیں خبر بھی ہے یارو! کہ دشتِ غربت میں
ہم آپ اپنا جنازہ اٹھائے پھرتے ہیں
نئی سحر کے اجالے بھی اجنبی نکلے
نگاہِ شوق سے دامن بچائے پھرتے ہیں
فراقِ دوست سلامت کہ اہلِ دل قابلؔ
نفس نفس کو زمانہ بنائے پھرتے ہیں
قابل اجمیری
No comments:
Post a Comment