بجا کہ زیست میں تیری نہیں ہیں شامل پر
کبھی مِلے تھے تجھے ہم بھی دل کے ساحل پر
پرکھ چکا ہوں بہر طور چاک پر اِس کو
کچھ انکشاف کر اپنا بھی اب مِری گِل پر
خدایا خیر! بھلایا ہوا ہے کیوں مجھ کو
کئی دنوں سے مصیبت نہیں پڑی دل پر
دکھائی دیں گے تجھے اپنے عکس بھی اِس میں
کبھی تُو سامنے آ دیکھ آنکھ کے تِل پر
نگاہ دیکھنے لگتی ہے چار سُو کیا کیا
صحیفے اُس کے اُترتے ہیں جب مِرے دل پر
مِری ہی گھات میں ہے وہ مگر پتا تو چلے
یہ کیسا لرزہ سا طاری ہے دستِ قاتل پر
کبھی مِلے تھے تجھے ہم بھی دل کے ساحل پر
پرکھ چکا ہوں بہر طور چاک پر اِس کو
کچھ انکشاف کر اپنا بھی اب مِری گِل پر
خدایا خیر! بھلایا ہوا ہے کیوں مجھ کو
کئی دنوں سے مصیبت نہیں پڑی دل پر
دکھائی دیں گے تجھے اپنے عکس بھی اِس میں
کبھی تُو سامنے آ دیکھ آنکھ کے تِل پر
نگاہ دیکھنے لگتی ہے چار سُو کیا کیا
صحیفے اُس کے اُترتے ہیں جب مِرے دل پر
مِری ہی گھات میں ہے وہ مگر پتا تو چلے
یہ کیسا لرزہ سا طاری ہے دستِ قاتل پر
عارف فرہاد
No comments:
Post a Comment