چشمِ حیراں کو تماشائے دِگر پر رکھا
اور اس دل کو تِری خیر خبر پر رکھا
عین ممکن ہے چراغوں کو وہ خاطر میں نہ لائے
گھر کا گھر ہم نے اُٹھا رہ گزر میں رکھا
بوجھ سے جُھکنے لگی شاخ تو جا کر ہم نے
آشیانے کو کسی اور شجر پر رکھا
چمنِ دہر میں اس طرح بسر کی ہم نے
سایۂ گُل کا بھی احسان نہ سر پر رکھا
اس کی آواز پہ باہر نکل آیا ہوں جمالؔ
سارا سبابِ سفر رہ گیا گھر پر رکھا
اور اس دل کو تِری خیر خبر پر رکھا
عین ممکن ہے چراغوں کو وہ خاطر میں نہ لائے
گھر کا گھر ہم نے اُٹھا رہ گزر میں رکھا
بوجھ سے جُھکنے لگی شاخ تو جا کر ہم نے
آشیانے کو کسی اور شجر پر رکھا
چمنِ دہر میں اس طرح بسر کی ہم نے
سایۂ گُل کا بھی احسان نہ سر پر رکھا
اس کی آواز پہ باہر نکل آیا ہوں جمالؔ
سارا سبابِ سفر رہ گیا گھر پر رکھا
جمال احسانی
No comments:
Post a Comment