احوالِ زندگی کو لباسِ بہار دے
ساقی معاملات کا چہرہ نکھار دے
توہینِ زندگی ہے کنارے کی جستجو
منجھدھار میں سفینۂ ہستی اتار دے
پھر دیکھ اس کا رنگ نکھرتا ہے کس طرح
عمرِ طویل دے کے نہ مجھ کو خراب کر
دو چار جھومتے ہوئے لیل و نہار دے
اک وعدہ اور کر کہ طبیعت پھڑک اٹھے
اک تیر اور میرے کلیجے میں مار دے
دنیا نے بے شمار عدمؔ کو دئیے ہیں رنج
اے دوست چیز تُو بھی کوئی یادگار دے
عبدالحمید عدم
No comments:
Post a Comment