اب وہ شوقِ بزم آرائی کہاں
اب وہ ذوقِ بادہ پیمائی کہاں
مضطرب ہے قلبِ محزوں، مضطرب
اب فضائے حُسن و رعنائی کہاں
سرد ہے اب سرد جوشِ انبساط
اب خیالِ رنجِ تنہائی کہاں
مطلعِ اُمید ہے ظلمت فروز
اب وہ فکرِ عالم آرائی کہاں
محفل شعر و سخن برہم ہوئی
اب وہ لطفِ نغمہ پیرائی کہاں
مۓ کدہ ویراں ہوا، مسجد خراب
اب خیالِ ناصیہ سائی کہاں
چل رہی ہے اک ہوائے انقلاب
اب کسی کو نازِ یکتائی کہاں
دم بخود ہوں رنگِ عالم دیکھ کر
رازؔ اب یارائے گویائی کہاں
راز چاند پوری
اب وہ ذوقِ بادہ پیمائی کہاں
مضطرب ہے قلبِ محزوں، مضطرب
اب فضائے حُسن و رعنائی کہاں
سرد ہے اب سرد جوشِ انبساط
اب خیالِ رنجِ تنہائی کہاں
مطلعِ اُمید ہے ظلمت فروز
اب وہ فکرِ عالم آرائی کہاں
محفل شعر و سخن برہم ہوئی
اب وہ لطفِ نغمہ پیرائی کہاں
مۓ کدہ ویراں ہوا، مسجد خراب
اب خیالِ ناصیہ سائی کہاں
چل رہی ہے اک ہوائے انقلاب
اب کسی کو نازِ یکتائی کہاں
دم بخود ہوں رنگِ عالم دیکھ کر
رازؔ اب یارائے گویائی کہاں
راز چاند پوری
No comments:
Post a Comment