یہ رعایتاں کسی کام کی نہیں چارہ گر

یہ رعایتاں کسی کام کی نہیں چارہ گر
یہ سخاوتاں کسی کام کی نہیں چارہ گر
تیری مصلحت میرے حوصلے کرے پست تر
یہ شرافتاں کسی کام کی نہیں چارہ گر
تیرے دل میں ایک صنم کدہ بھی تو ہے کہیں
یہ عبادتاں کسی کام کی نہیں چارہ گر
نہ عیاں کریں کوئی راز بستۂ مَردماں
یہ عبارتاں کسی کام کی نہیں چارہ گر
تیرا سلسلہ ہے جُڑا ہوا کسی گھات سے
یہ حمایتاں کسی کام کی نہیں چارہ گر
نہ اُمڈ سکیں سرِ رزم میرے وجود پر
یہ شہادتاں کسی کام کی نہیں چارہ گر
نہیں معتبر جو کسی بھی منبر و تخت پر
یہ صلابتاں کسی کام کی نہیں چارہ گر
تری رست و بست مِرے دشمنوں کے قریب تر
یہ رفاقتاں کسی کام کی نہیں چارہ گر
تیرے منصفوں کے ہیں فیصلے بھی عجیب سے
یہ عدالتاں کسی کام کی نہیں چارہ گر
وہ مرے ہی بیچ میں چھپ رہا ہے مجھی سے کیوں
یہ بُجھارتاں کسی کام کی نہیں چارہ گر
ہوئی دین کے خد و خال سے خلل آزما
یہ ثقافتاں کسی کام کی نہیں چارہ گر
میرے جسم پر بڑا تنگ ہے یہ لباس سُؤ
یہ امامتاں کسی کام کی نہیں چارہ گر
میرے فیصلوں کا ہو فیصلہ کہیں حشر میں
یہ اجابتاں کسی کام کی نہیں چارہ گر
کیا چھید چھید مِرا بدن، میرے بخیہ گر
یہ جراہتاں کسی کام کی نہیں چارہ گر
تجھے چھوڑ کر کہاں جاؤں گا ذرا سوچ تو
یہ اجازتاں کسی کام کی نہیں چارہ گر
تیری چشم پوشی کو کیا کہوں میرے چشم بیں
یہ بصارتاں کسی کام کی نہیں چارہ گر
سبھی عیش و جیش بھی ناروا ہے ترے سوا
یہ عنایتاں کسی کام کی نہیں چارہ گر
جو ہِلے زمیں تو یہ برزہ کُف پہ ہی آ گریں
یہ عمارتاں کسی کام کی نہیں چارہ گر
مجھے شک ہے اس میں نہاں ہے کوئی وعید بھی
یہ بشارتاں کسی کام کی نہیں چارہ گر
جو زلال نوشی کو بادہ خواری میں ڈھال دیں
یہ کرامتاں کسی کام کی نہیں چارہ گر
جو نہ کر سکیں کوئی رد و کد کسی فکر سے
یہ بلاغتاں کسی کام کی نہیں چارہ گر
جو شعور کو غبی گھاٹیوں میں دھکیل دیں
یہ صحافتاں کسی کام کی نہیں چارہ گر
میرے قاتلوں کو بتا دیا میرا خوں بہا
یہ سیاستاں کسی کام کی نہیں چارہ گر
کبھی سن سکیں نہ صریرِ دل کی خموشیاں
یہ سماعتاں کسی کام کی نہیں چارہ گر
جو فروغ دیں کسی فسق کو میری گوت میں
یہ اشاعتاں کسی کام کی نہیں چارہ گر
نہ سناوو مجھ کو فریبِ ہستی کی داستاں
یہ حکایتاں کسی کام کی نہیں چارہ گر
وہ محبتوں میں بخالتوں کی ملوکیت
یہ کفایتاں کسی کام کی نہیں چارہ گر
مجھے غرض کیا تیرے زرق برق جمال سے
یہ صباحتاں کسی کام کی نہیں چارہ گر
مجھے علم ہے میرا کون قاتلِ بے خطا
یہ شکایتاں کسی کام کی نہیں چارہ گر
میں نہیں سنوں گا امرؔ کے حکمِ بیاض کو
یہ ہدایتاں کسی کام کی نہیں چارہ گر

امر روحانی