اپنوں کے ستم ان کی وفا یاد کریں گے
ہم جرمِ محبت کی سزا یاد کریں گے
تُو آ گئی، آنا تھا جنہیں، وہ نہیں آئے
ہم بھی تجھے کیا کیا نہ صبا یاد کریں گے
تُم ہم سے بچھڑتے ہو مگر بھول نہ جانا
اب حرفِ تسلی کا تکلف نہ کریں وہ
جو دِل سے بھلا بیٹھے وہ کیا یاد کریں گے
ہم بُھول کے اب نام بھی نہ لیں گے وفا کا
وہ چوٹ لگی ہے کہ سدا یاد کریں گے
ہم چشمِ تصور میں سجا لیں گے وہ آنکھیں
یوں پینے پِلانے کا مزہ یاد کریں گے
یاروں پہ نصیرؔ آپ دِل و جاں سے فِدا تھے
وہ پِھر گئے سب، آپ بھی کیا یاد کریں گے
سید نصیرالدین نصیر
No comments:
Post a Comment