سورج بھی بندھا ہو گا دیکھ مرے بازو میں

سورج بھی بندھا ہو گا دیکھ مِرے بازُو میں

اس چاند کی بھی رکھنا سونے کے ترازُو میں

اب ہم سے شرافت کی امید نہ کر دنیا

پانی نہیں مل سکتا تپتی ہوئی بالُو میں

تاریک سمندر کے سینے میں گُہر ڈھونڈو

جگنو بھی چمکتے ہیں برسا ت کے آنسُو میں

سب دَیر و حرم چُھوٹے، دلدار و صنم جُھوٹے

ہم آ ہی گئے آخر، دنیا ترے جادُو میں

اِک ریت کا پردہ تھیں، آہن کی یہ دیواریں

انسان نہیں رہتا، انسان کے قابُو میں

خوابیدہ گلابوں پر یہ اوس بِچھی کیسے

احساس چمکتا ہے اسلُوب کی خُوشبُو میں

بشیر بدر