داستانیں وہاں نہیں ہوتیں
جہاں آبادیاں نہیں ہوتیں
قید و قدغن نہ ہو تو پھر بھی ہمیں
اتنی آزادیاں نہیں ہوتیں
صبح کی نیند سب کو پیاری ہے
اور چڑیاں کہاں نہیں ہوتیں
اپنی مٹھی نہ بھینچ کر رکھو
تتلیاں سخت جاں نہیں ہوتیں
کچھ تصاویر بول پڑتی ہیں
سب کی سب بے زباں نہیں ہوتیں
لڑکیوں میں بس ایک خامی ہے
یہ دوبارہ جواں نہیں ہوتیں
پہلے کرتے تھے ہوش کی باتیں
اب یہ نادانیاں نہیں ہوتیں
انجم خیالی
جہاں آبادیاں نہیں ہوتیں
قید و قدغن نہ ہو تو پھر بھی ہمیں
اتنی آزادیاں نہیں ہوتیں
صبح کی نیند سب کو پیاری ہے
اور چڑیاں کہاں نہیں ہوتیں
اپنی مٹھی نہ بھینچ کر رکھو
تتلیاں سخت جاں نہیں ہوتیں
کچھ تصاویر بول پڑتی ہیں
سب کی سب بے زباں نہیں ہوتیں
لڑکیوں میں بس ایک خامی ہے
یہ دوبارہ جواں نہیں ہوتیں
پہلے کرتے تھے ہوش کی باتیں
اب یہ نادانیاں نہیں ہوتیں
انجم خیالی
No comments:
Post a Comment