اتنی آرائشِ محراب ہوئی ہے مجھ پر
خودبخود رونق مہتاب ہوئی ہے مجھ پر
سبزۂ زخم اچانک تو نہیں آ جاتا
یہ محبت ہے جو شاداب ہوئی ہے مجھ پر
کب مِرے ظاہر و باطن میں کوئی فرق پڑا
سب قطاروں میں کھڑے دیکھ رہے ہیں مجھ کو
ایک ذلت پر سُرخاب ہوئی ہے مجھ پر
مجھ میں اک دشتِ مسلسل کی نموداری ہے
خواہش آب رواں خواب ہوئی ہے مجھ پر
جب سے اک ڈور مِرے ہاتھ میں آئی عاطف
وہ پتنگ اور بھی نایاب ہوئی ہے مجھ پر
عاطف کمال رانا
No comments:
Post a Comment