شوق کو بے ادب کیا عشق کو حوصلہ دیا
عذرِ نگاہِ دوست نے جرمِ نظر سکھا دیا
ان کے تصورات سے عشق کا جگمگا دیا
آئی تھی شامِ غم مگر میں نے سحر بنا دیا
آہ وہ بد نصیب آہ نالۂ عندلیب آہ
ٹوٹ سکا نہ پستئ فکر و نظر کا سلسلہ
دام و قفس کو ہم نے خود دام و قفس بنا دیا
میرے مذاقِ دید کی شرم اسی کے ہاتھ ہے
جس نے شعاعِ حسن کو حسنِ نظر بنا دیا
ناز و نیاز آشنا، لطف تغافل اعتبار
ہائے کس اہتمام سے تم نے مجھے مٹا دیا
خوب علاج کر دیا اپنے مریضِ عشق کا
درد مٹانے آئے تھے، درد دیا، مٹا دیا
ہائے وہ حسن و عشق جب باسط بیقرار کو
برقِ نگاهِ دوست نے پھونک دیا، جلا دیا
باسط بھوپالی
No comments:
Post a Comment