میں اپنے لہجے کی تلخیوں سے

میں اپنے لہجے کی تلخیوں سے

تمیارے خوابوں کے سارے موسم جلا رہا تھا

میں اپنے لفظوں کے رُوکھے پن سے 

تمہارے اجڑے چمن کو ابتر بنا رہا تھا

میں اپنے اندر کی ہر تھکن کو 

تمہارے بوجھل بدن کی زینت بنا رہا تھا

میں اپنے دامن میں خوشیاں بھر کے

تمہارے دل میں دکھوں کا میلہ سجا رہا تھا

برا نہیں میں بہت برا ہوں

وفا کے دامن پہ داغ کہہ لو

جو سب سے گندا لقب تمہارے خیال میں ہے

میں اس لقب سے بھی آگے خود کو سمجھ رہا ہوں

جو تم نے سوچا مجھے بھی اس پہ گماں نہیں ہے

"میں جب سے اب تک وہیں کھڑا ہوں"

جو فاصلہ ہے تمہارے قدموں کا طے شدہ ہے

ذرا رکو تم! سنو یہ عادت بہت بری ہے

جو تم کہو گے وہی چلے گا 

تمہارے نقشِ قدم پہ چل کے 

میں پھر سے خود کو منانے آیا

میں تم سے تم کو ملانے آیا

عابی مکھنوی