اب اک عجیب سا نصاب مانگتی ہے زندگی
خزاں رُتوں میں بھی گلاب مانگتی ہے زندگی
حقیقتوں کا دشت چاہے جس قدر ہو مستند
کبھی کبھی حسیں خواب مانگتی ہے زندگی
کچھ اس قدر شدید تشنگی ہے دل پہ حکمراں
وہ صبح و شام و روز و شب شدید غم کی لذتیں
نہ جانے کیوں وہی عذاب مانگتی ہے زندگی
پکارتا ہوں جب کبھی تنگ آ کے، موت کو
تمام عمر کا حساب مانگتی ہے زندگی
میں زندگئ نو کو جب پکارتا ہوں، پاس آ
گزشتہ عمر کی کتاب مانگتی ہے زندگی
فریاد آزر
No comments:
Post a Comment