دیار نور میں تیرہ شبوں کا ساتهی ہو

دیار نُور میں تِیرہ شبوں کا ساتهی ہو
کوئی تو ہو جو مِری وحشتوں کا ساتهی ہو
میں اس سے جهوٹ بهی بولوں تو مجھ سے سچ بولے
میرے مزاج کے سب موسموں کا ساتهی ہو
وہ میرے نام کی نسبت سے معتبر ٹهہرے
گلی گلی میری رسوائیوں کا ساتهی ہو
میں اس کے ہاتھ نہ آؤں وہ میرا ہو کے رہے
میں گر پڑوں تو میری پستیوں کا ساتهی ہو
کرے کلام جو مجھ سے تو میرے لہجے میں
میں چپ رہوں تو میرے تیوروں کا ساتهی ہو
وہ خواب دیکهے تو دیکهے میرے حوالے سے
میرے خیال کے سب منظروں کا ساتهی ہو 

افتخار عارف