گلہ نہیں ہے اگر میں تری نظر میں نہیں

گِلہ نہیں ہے اگر میں تِری نظر میں نہیں
ستارہ کوئی بھی اِس وقت اپنے گھر میں نہیں
تِری طرح مِری دنیا میں اِختیار کِسے
مِری طرح کوئی بے بس تِرے نگر میں نہیں
کِیا ہے فکرِ نشیمن سے برق نے آزاد
خدا کا شُکر کہ اَب میں کسی خطر میں نہیں
اَب احتساب کسی کا کوئی کرے کیسے
بھنّور ہے کشتی میں، کشتی بھنّور میں نہیں
کوئی امیر ہو اپنی بلا سے کوئی غریب
سوال اتنا ہے کیوں فرق خیر و شر میں نہیں
اس ارتقاء کا نہ جانے زوال کیا ہو گا
بشر کی صفت آج کے بشر میں نہیں
چلے ہو ساتھ تو ہمت نہ ہارنا واصفؔ
کہ منزلوں کا تصوّر میرے سفر میں نہیں

واصف علی واصف​