اک نظر سوئے بام کر چلیے
چلتے چلتے سلام کر چلیے
گردشِ وقت سے نکل کے ذرا
شرکتِ دورِ جام کر چلیے
ہوش کی دھوپ جی جلاتی ہے
خم کے سائے میں شام کر چلیے
کیوں نہ ایامِ عشرتِ فانی
مہ جبینوں کے نام کر چلیے
عشق کے راستے ہیں ناہموار
اب ذرا مجھ کو تھام کر چلیے
کاروبارِ وفا چلانے کو
رسمِ وحشت کو عام کر چلیے
کچھ تو نام و نشاں رہے اخترؔ
کچھ تو دنیا میں کام کر چلیے
چلتے چلتے سلام کر چلیے
گردشِ وقت سے نکل کے ذرا
شرکتِ دورِ جام کر چلیے
ہوش کی دھوپ جی جلاتی ہے
خم کے سائے میں شام کر چلیے
کیوں نہ ایامِ عشرتِ فانی
مہ جبینوں کے نام کر چلیے
عشق کے راستے ہیں ناہموار
اب ذرا مجھ کو تھام کر چلیے
کاروبارِ وفا چلانے کو
رسمِ وحشت کو عام کر چلیے
کچھ تو نام و نشاں رہے اخترؔ
کچھ تو دنیا میں کام کر چلیے
اختر ضیائی
No comments:
Post a Comment