نہ جانے ساغر و مِینا پہ، پیمانے پہ کیا گزری
جو ہم پی کر چلے آئے تو میخانے پہ کیا گزری
بڑی رنگینیاں تھیں اولِ شب ان کی محفل میں
بتاؤ بزم والو! رات ڈھل جانے پہ کیا گزری
چھپائیں گے کہاں تک رازِ محفل شمع کے آنسو
مِرا دل جانتا ہے دونوں منظر میں نے دیکھے ہیں
تِرے آنے پہ کیا گزری،۔ تِرے جانے پہ کیا گزری
بگولے مجھ سے کوسوں دور بھاگے دشتِ وحشت میں
بس اتنا میں نے پوچھا تھا کہ دیوانے پہ کیا گزری
گِری فصلِ چمن پر برق، دیوانے یہ کیا جانیں
مصیبت باغ پر گزری تھی ویرانے پہ کیا گزری
قمؔر جھیلے دلِ صد چاک نے الفت میں دکھ کیا کیا
کوئی زلفوں سے اتنا پوچھ لے، شانے پہ کیا گزری
استاد قمر جلالوی
No comments:
Post a Comment