اس دورِ صد آشوب کی سرکار پہ لعنت
ہر ننگِ وطن شاہ کے دربار پہ لعنت
افلاس کی قبروں سے یہ آتی ہیں صدائیں
لاشوں سے سجے بھوک کے بازار پہ لعنت
بک جائے جہاں دخترِ مشرق سر بازار
جب نوحۂ بلبل پہ گلابوں کے ہوں ماتم
پھر کیوں نہ کریں والئ گلزار پہ لعنت
جب خلقِ خدا راج کرے بن کے گداگر
کر کاسہ و کشکول کے انبار پہ لعنت
اے فتنۂ امریکہ کی حرفت کے مصاحب
اے دستِ فرنگی! ترے کردار پہ لعنت
سلطانئ جمہور کہ اغیار کا منشور
دو رنگئ مے خانہ و میخوار پہ لعنت
مفرورِ وطن دہشتِ اغیار کے کرتار
ہر فتنۂ مغرب کے وفادار پہ لعنت
سن دیس بھگت! نعرۂ دم مست قلندر
اس دھرتی کے ہر قاتل و غدار پہ لعنت
درویش فقیروں پہ سدا رحمتِ افلاک
محلوں میں بسے زر کے طلبگار پہ لعنت
فاروق درویش
No comments:
Post a Comment