جھک کے چلتا ہوں کہ قد اس کے برابر نہ لگے
دوسرا یہ کہ اسے راہ میں ٹھوکر نہ لگے
یہ تِرے ساتھ تعلق کا بڑا فائدہ ہے
آدمی ہو بھی تو اوقات سے باہر نہ لگے
نیم تاریک سا ماحول ہے درکار مجھے
ماؤں نے چومنے ہوتے ہیں بریدہ سَر بھی
ان سے کہنا کہ کوئی زخم جبیں پر نہ لگے
یہ طلب گار نگاہوں کے تقاضے ہر سُو
کوئی تو ایسی جگہ ہو جو مجھے گھر نہ لگے
یہ جو آئینہ ہے، دیکھوں تو خلا دِکھتا ہے
اس جگہ کچھ بھی نہ لگواؤں تو بہتر نہ لگے
تم نے چھوڑا تو کسی اور سے ٹکراؤں گا میں
کیسے ممکن ہے کہ اندھے کا کہیں سَر نہ لگے
عمیر نجمی
No comments:
Post a Comment