کیا ہوئے آشفتہ کاراں کیا ہوئے
یاد یاراں، یار یاراں کیا ہوئے
اب تو اپنوں میں سے کوئی بھی نہیں
وہ پریشاں روزگاراں کیا ہوئے
سو رہا ہے شام ہی سے شہر دل
اس کی چشمِ نیم وا سے پوچھیو
وہ تِرے مژگاں شماراں کیا ہوئے
اے بہارِ انتظارِ فصلِ گل
وہ گریباں تار تاراں کیا ہوئے
کیا ہوئے صورت نگاراں خواب کے
خواب کے صورت نگاراں کیا ہوئے
یاد اس کی ہو گئی ہے بے اماں
یاد کے بے یادگاراں کیا ہوئے
جون ایلیا
No comments:
Post a Comment