ترتیبِ نو سے بدلا نہ مے خانے کا نظام
جو پہلے تشنہ کام تھے اب بھی ہیں تشنہ کام
آئینِ گلستاں میں تغیّر یہ کم ہے کیا؟
کانٹے بنے ہوئے ہیں گل و لالہ کے امام
آزاد زندگی کہاں اپنے نصیب میں
کل انکے تھے غلام تو آج آپکے غلام
وہ بھی ہیں میری بادہ گساری پہ معترض
اِنسان کے لہو سے ہیں لبریز جن کے جام
اب تک وہی قفس ہے وہی ظلمتوں کا دَور
یہ صبحِ حرّیت ہے کہ محکومیت کی شام
ذہنوں کے انقلاب سے بنتی ہے زندگی
مردہ خیال و فکر کو دے زیست کا پیام
برسوں کے اضطراب سے جو لٹ چکی ہے اب
اے دستِ مصلحت اِسی زنجیر کو نہ تھام
انسانیت کے نام پہ جو بھینٹ چڑھ گیا
فارغؔ ہزار بار ہو اِس روح پر سلام
فارغ بخاری
جو پہلے تشنہ کام تھے اب بھی ہیں تشنہ کام
آئینِ گلستاں میں تغیّر یہ کم ہے کیا؟
کانٹے بنے ہوئے ہیں گل و لالہ کے امام
آزاد زندگی کہاں اپنے نصیب میں
کل انکے تھے غلام تو آج آپکے غلام
وہ بھی ہیں میری بادہ گساری پہ معترض
اِنسان کے لہو سے ہیں لبریز جن کے جام
اب تک وہی قفس ہے وہی ظلمتوں کا دَور
یہ صبحِ حرّیت ہے کہ محکومیت کی شام
ذہنوں کے انقلاب سے بنتی ہے زندگی
مردہ خیال و فکر کو دے زیست کا پیام
برسوں کے اضطراب سے جو لٹ چکی ہے اب
اے دستِ مصلحت اِسی زنجیر کو نہ تھام
انسانیت کے نام پہ جو بھینٹ چڑھ گیا
فارغؔ ہزار بار ہو اِس روح پر سلام
فارغ بخاری
No comments:
Post a Comment