شروعِ عشق کا یا رب! عجب زمانہ تھا
زمانے بھر سے مِرا طرز باغیانہ تھا
نظر نظر کو میسّر نئی تجلی تھی
قدم قدم پہ مُرتب نیا فسانہ تھا
حضور حسن بھی باوصفِ اعترافِ شکست
مِری نگاہ کا انداز جارحانہ تھا
گدائے بوسہ کو پروائے وصل دوست نہ تھی
غریبِ شہر کا انداز خُسروانہ تھا
رئیس ان کی جوانی بھی کیا جوانی تھی
رئیس اپنا زمانہ بھی کیا زمانہ تھا
زمانے بھر سے مِرا طرز باغیانہ تھا
نظر نظر کو میسّر نئی تجلی تھی
قدم قدم پہ مُرتب نیا فسانہ تھا
حضور حسن بھی باوصفِ اعترافِ شکست
مِری نگاہ کا انداز جارحانہ تھا
گدائے بوسہ کو پروائے وصل دوست نہ تھی
غریبِ شہر کا انداز خُسروانہ تھا
رئیس ان کی جوانی بھی کیا جوانی تھی
رئیس اپنا زمانہ بھی کیا زمانہ تھا
رئیس امروہوی
No comments:
Post a Comment