حسن افسردہ و پریشاں ہے خدا خیر کرے
نوک مژگاں پہ چراغاں ہے خدا خیر کرے
سطح عارض کی دھڑکتی ہوئی رنگینی سے
دل کی ہر ضرب نمایاں ہے خدا خیر کرے
خیمہ زمزمۂ و حجلہ، عود و نَے میں
بے نیازی سے مری ناز شباب نو خیز
بیعتِ عشوہ کا ساماں ہے خدا خیر کرے
ایک گل طبع و گہر طینت و شبنم اندام
سرخ شعلوں پہ خراماں ہے خدا خیر کرے
کل فقط دامن بلبل تھا ہوا پرغلطاں
آج گل چاک گریباں ہے خدا خیر کرے
جوش ملیح آبادی
No comments:
Post a Comment