پرندے اُجڑے ہوئے آشیاں پہ بیٹھے ہوئے
زمیں کو دیکھتے ہیں آسماں پہ بیٹھے ہوئے
وہ خوابِ امن دکھایا گیا کہ خوش ہیں بہت
ہم اپنے عہد کے آتش فشاں پہ بیٹھے ہوئے
مژہ سے قطرۂ خُوں کی طرح ٹپکتے ہیں
ستارے کشتئ آبِ روں پہ بیٹھے ہوئے
زمانہ جن کے تجسس میں سرگراں ہے وہ لوگ
ہوئے ہیں سنگ تِرے آستاں پہ بیٹھے ہوئے
نہ اہلِ دَیر ہی خوش ہیں، نہ جن سے اہلِ حرم
کچھ ایسے حرف ہیں میری زباں پہ بیٹھے ہوئے
وہ کون تھے جو کہیں گردِ رہگُذر ٹھہرے
یہ کون ہیں درِ آئندگاں پہ بیٹھے ہوئے
زمیں کو دیکھتے ہیں آسماں پہ بیٹھے ہوئے
وہ خوابِ امن دکھایا گیا کہ خوش ہیں بہت
ہم اپنے عہد کے آتش فشاں پہ بیٹھے ہوئے
مژہ سے قطرۂ خُوں کی طرح ٹپکتے ہیں
ستارے کشتئ آبِ روں پہ بیٹھے ہوئے
زمانہ جن کے تجسس میں سرگراں ہے وہ لوگ
ہوئے ہیں سنگ تِرے آستاں پہ بیٹھے ہوئے
نہ اہلِ دَیر ہی خوش ہیں، نہ جن سے اہلِ حرم
کچھ ایسے حرف ہیں میری زباں پہ بیٹھے ہوئے
وہ کون تھے جو کہیں گردِ رہگُذر ٹھہرے
یہ کون ہیں درِ آئندگاں پہ بیٹھے ہوئے
سلیم کوثر
No comments:
Post a Comment