دل قلندر ہے جگر عشق میں تندُور میاں
شوقِ دیدار روانہ ہے سُوئے طُور میاں
گلبدن شعلۂ افلاس میں جل جاتے ہیں
جسم بازار میں بِک جاتے ہیں مجبُور میاں
دل کے زندانوں سے آئیگی انالحق کی صدا
شہرِ آشوب سے اُٹھے کو ہے منصُور میاں
شب کی زنجیر ہے آزادئ گلرنگ مری
صبحِ خوں رنگ لکھے شام کے دستُور میاں
مر گئے شاہ، سدا جینے کی حسرت لے کر
ہم فقیروں نے لکھا مرنے کا منشُور میاں
چاند اُترا جو میرے شہر مسافر بن کر
کوفۂ دہر میں مر جائے گا بے نُور میاں
رات درویشؔ کی تُربت پہ تھے گِریاں تارے
صبح چھیڑے گی صبا نغمۂ عاشُور میاں
شوقِ دیدار روانہ ہے سُوئے طُور میاں
گلبدن شعلۂ افلاس میں جل جاتے ہیں
جسم بازار میں بِک جاتے ہیں مجبُور میاں
دل کے زندانوں سے آئیگی انالحق کی صدا
شہرِ آشوب سے اُٹھے کو ہے منصُور میاں
شب کی زنجیر ہے آزادئ گلرنگ مری
صبحِ خوں رنگ لکھے شام کے دستُور میاں
مر گئے شاہ، سدا جینے کی حسرت لے کر
ہم فقیروں نے لکھا مرنے کا منشُور میاں
چاند اُترا جو میرے شہر مسافر بن کر
کوفۂ دہر میں مر جائے گا بے نُور میاں
رات درویشؔ کی تُربت پہ تھے گِریاں تارے
صبح چھیڑے گی صبا نغمۂ عاشُور میاں
فاروق درویش
No comments:
Post a Comment