شرحِ گرفتگی نہ اسیرِ محن سے پوچھ
یہ بات اپنی زلفِ شکن در شکن سے پوچھ
مردان حق کا عزم، شہیدان حق کا جرم
دل دادگانِ مسلکِ دار و رسن سے پوچھ
لذت کشانِ ساغر عشرت کو کیا خبر
رنجِ خمار، تلخئ کام و دہن سے پوچھ
صحن چمن میں لالہ و گل پر ترے بغیر
کیا کیا گزر رہی ہے، نسیمِ چمن سے پوچھ
افسانۂ بہار، اسیرِ قفس سے سن
یادِ وطن کا لطف کسی بے وطن سے پوچھ
اے دوست! ہم سے درس لے کُفرِِ محبت کا
یہ کس نے کہہ دیا کہ بُت و برہمن سے پوچھ
کچھ ہے تو تیرگی ہے تجلی کی رازداں
یزداں کے دل کی بات کسی اہرمن سے پوچھ
یہ بات اپنی زلفِ شکن در شکن سے پوچھ
مردان حق کا عزم، شہیدان حق کا جرم
دل دادگانِ مسلکِ دار و رسن سے پوچھ
لذت کشانِ ساغر عشرت کو کیا خبر
رنجِ خمار، تلخئ کام و دہن سے پوچھ
صحن چمن میں لالہ و گل پر ترے بغیر
کیا کیا گزر رہی ہے، نسیمِ چمن سے پوچھ
افسانۂ بہار، اسیرِ قفس سے سن
یادِ وطن کا لطف کسی بے وطن سے پوچھ
اے دوست! ہم سے درس لے کُفرِِ محبت کا
یہ کس نے کہہ دیا کہ بُت و برہمن سے پوچھ
کچھ ہے تو تیرگی ہے تجلی کی رازداں
یزداں کے دل کی بات کسی اہرمن سے پوچھ
رئیس امروہوی
No comments:
Post a Comment