آیتِ جاں سے درِ دل کو اجالے رکھوں
مثلِ تعویذ گلے میں اسے ڈالے رکھوں
اس کے آنچل کی مہک چھونے لگی میرا بدن
اپنی بانہوں میں ہواؤں کو سنبھالے رکھوں
آ! مرے چاند نہ لگ جائے ستاروں کی نظر
گو، میں خود زخم سراپا ہوں، جو تُو آئے تو
تیرے زخموں پہ لبِ وصل کے گالے رکھوں
جب تلک سانس قلم لیتا رہے، لکھتا رہوں
یونہی غزلوں میں تِرے حسن کو ڈھالے رکھوں
پہلے دن تُو نے جب اقرار کیا تھا مجھ سے
اپنی راتوں میں اسی دن کے حوالے رکھوں
رنگ و خوشبو سے سجانا ہے ہر اِک رَستے کو
وَرْدؔ! رکھوں تیری راہوں میں، کہ لالے رکھوں
ورد بزمی
No comments:
Post a Comment