فلمی گیت
چودھویں کا چاند ہو، یا آفتاب ہو
جو بھی ہو تم خدا کی قسم، لاجواب ہو
زلفیں ہیں جیسے کاندھے پہ بادل جھکے ہوئے
آنکھیں ہیں جیسے مئے کے پیالے بھرے ہوئے
چودھویں کا چاند ہو، یا آفتاب ہو
جو بھی ہو تم خدا کی قسم، لاجواب ہو
چہرہ ہے جیسے جھیل میں کھلتا ہوا کنول
یا زندگی کے ساز پہ چھیڑی ہوئی غزل
جانِ بہار تم کسی شاعر کا خواب ہو
چودھویں کا چاند ہو، یا آفتاب ہو
جو بھی ہو تم خدا کی قسم، لاجواب ہو
ہونٹوں پہ کھیلتی ہیں تبسم کی بجلیاں
سجدے تمہاری راہ میں کرتی ہیں کہکشاں
دنیائے حسن و عشق کا تم ہی شباب ہو
چودھویں کا چاند ہو، یا آفتاب ہو
جو بھی ہو تم خدا کی قسم، لاجواب ہو
شکیل بدایونی
No comments:
Post a Comment