دوڑوں کہ سر جوش نگوں سار ہوا ہے
نقاش جہاں نقش بہ دیوار ہوا ہے
فریاد کہ خورشید کا ممدوحِ گرامی
ذروں کی ملامت کا سزاوار ہوا ہے
افسوس کہ اک ناقدِ سیار و ثوابت
فریاد کہ خود وارثِ لقمان و مسیحا
اک نرگسِ شب رنگ کا بیمار ہوا ہے
ہیہات کہ اک مشترئ سدرہ و طوبیٰ
جنسِ قد و گیسو کا خریدار ہوا ہے
صد حیف کہ اک دینِ تفکر کا پیمبر
آلودۂ کُفرِ لب و رخسار ہوا یے
اے وائے کہ دل کہ افقِ عید پر اے جوشؔ
پھر چاند محرم کا نمودار ہوا ہے
جوش ملیح آبادی
No comments:
Post a Comment