شاخِ مرجاں
خواب اندر خواب گردش میں رہا
تیرا چہرہ، تیرا آب اندام جسم
عقربِ ساعت سی لرزش میں رہا
ان تہوں میں بھی رہا گستاخ دست
غوطہ زن ہوکر غمِ دوراں بہت
تیرے پرتو نے نہیں کھائی شکست
ایک آبادی تھی جولاں زیرِ آب
مار و ماہی حلقہ زن ہوتے رہے
آئنہ ساماں رہے سب تیرے خواب
گردشوں میں آئے کتنے ماہ و سال
جزر و مد میں قلزمِ تاریخ میں
پھول سا کھلتا ہے آئینِ وصال
شاخِ مرجاں تیرا جسمِ نازنیں
لہلہاتا ہے شبِ تاریک میں
خانۂ دل میں چراغِ آتشیں
خواب اندر خواب گردش میں رہا
تیرا چہرہ، تیرا آب اندام جسم
عقربِ ساعت سی لرزش میں رہا
ان تہوں میں بھی رہا گستاخ دست
غوطہ زن ہوکر غمِ دوراں بہت
تیرے پرتو نے نہیں کھائی شکست
ایک آبادی تھی جولاں زیرِ آب
مار و ماہی حلقہ زن ہوتے رہے
آئنہ ساماں رہے سب تیرے خواب
گردشوں میں آئے کتنے ماہ و سال
جزر و مد میں قلزمِ تاریخ میں
پھول سا کھلتا ہے آئینِ وصال
شاخِ مرجاں تیرا جسمِ نازنیں
لہلہاتا ہے شبِ تاریک میں
خانۂ دل میں چراغِ آتشیں
عزیز حامد مدنی
No comments:
Post a Comment