میں تِری راکھ سے ایجاد کروں گا خود کو
پھر تِرے عشق میں برباد کروں گا خود کو
ہر محبت نے مِرا نام الگ رکھا تھا
جانے کس نام سے اب یاد کروں گا خود کو
اصل مجھ سے نہیں چُھپتا سو اداکاری میں
شاد کرتے ہوئے ناشاد کروں گا خود کو
حُجرۂ آئینہ کو وسعتِ دُنیا دے کر
قید رکھوں گا نہ آزاد کروں گا خود کو
اپنے معدوم کو موجود سے بہتر کر کے
شہرِ خوش خواب کی بنیاد کروں گا خود کو
طاقِ انکار میں اثبات کی لو جاگے گی
یوں سپردِ شبِ الحاد کروں گا خود کو
میں وہ درویش کہ در غیض و غرض بھی شاہد
خود تلک زینۂ افتاد کروں گا خود کو
شاہد ذکی
پھر تِرے عشق میں برباد کروں گا خود کو
ہر محبت نے مِرا نام الگ رکھا تھا
جانے کس نام سے اب یاد کروں گا خود کو
اصل مجھ سے نہیں چُھپتا سو اداکاری میں
شاد کرتے ہوئے ناشاد کروں گا خود کو
حُجرۂ آئینہ کو وسعتِ دُنیا دے کر
قید رکھوں گا نہ آزاد کروں گا خود کو
اپنے معدوم کو موجود سے بہتر کر کے
شہرِ خوش خواب کی بنیاد کروں گا خود کو
طاقِ انکار میں اثبات کی لو جاگے گی
یوں سپردِ شبِ الحاد کروں گا خود کو
میں وہ درویش کہ در غیض و غرض بھی شاہد
خود تلک زینۂ افتاد کروں گا خود کو
شاہد ذکی
No comments:
Post a Comment