یہ کس کا بے ادب ہونٹوں پہ تیرے نام آتا ہے
سنبھل اے دل! محبت پہ تِرا الزام آتا ہے
کلی کے حسنِ فانی کا تصور گل کے ہنسنے پر
خطا شبنم کی تھی، بادِ صبا کا نام آتا ہے
مِرے حصے کی مے خود ہی چھلک جاتی ہے ساغر سے
تصور میں وہی ماضی کی رونق لوٹ آتی ہے
تِری یادوں کے سائے میں مجھے آرام آتا ہے
مجھی سے ہو گئی منسوب چلتی پھرتی بدنامی
مِری جانب چہکتا بولتا الزام آتا ہے
کسی پر جان دینا رمزؔ معراجِ تمنا ہے
محبت میں یہی جذبہ ہمیشہ کام آتا ہے
رمز عظیم آبادی
No comments:
Post a Comment