یونہی کوئی مل گیا تھا سر راہ چلتے چلتے

گیت

یونہی کوئی مل گیا تھا سرِ راہ چلتے چلتے
وہیں تھم کے رہ گئی ہے میری رات ڈھلتے ڈھلتے
یونہی کوئی مل گیا تھا

جو کہی گئی نہ مجھ سے وہ زمانہ کہہ رہا ہے
کہ فسانہ بن گئی ہے میری بات ٹلتے ٹلتے
یونہی کوئی مل گیا تھا سرِ راہ چلتے چلتے

شبِ انتظار آخر کبھی ہو گی مختصر بھی
یہ چراغ بجھ رہے ہیں میرے ساتھ جلتے جلتے
یونہی کوئی مل گیا تھا سرِ راہ چلتے چلتے

کیفی اعظمی