جسے ہوئی ہے محبت میں اب کے مات بہت

جسے ہوئی ہے محبت میں اب کے مات بہت​

ہیں اس قبیلے سے میرے تعلقات بہت​

مِری ہتھیلی پہ تم خود کو ڈھونڈنا چھوڑو​

مِرے نصیب میں آئیں گے حادثات بہت​

وہ ہم ہی تھے کہ جنہیں ڈوبنا پڑا، ورنہ​

سمندروں کے کنارے رکھے تھے ہات بہت​

کسی نے اپنے اندھیروں میں روشنی چاہی​

کسی کا ذکر کیا چاند نے بھی رات بہت​

وہ جس نے عین جوانی میں ہم کو مار دیا​

ندیمؔ اس سے جڑی تھیں توقعات بہت​

ندیم بھابھہ