ملکِ سخن میں درد کی دولت کو کیا ہوا
اے شہرِ میرؔ! تیری روایت کو کیا ہوا
ہم تو سدا کے بندۂ زر تھے ہمارا کیا
نام آورانِ عہدِ بغاوت کو کیا ہوا
گرد و غبارِ کوچۂ شہرت میں آ کے دیکھ
آسودگانِ کنجِ قناعت کو کیا ہوا
گھر سے نکل کے بھی وہی تازہ ہوا کا خوف
میثاقِ ہجر! تیری بشارت کو کیا ہوا
اک چہرہ منکشف ہوا ایسا کہ ساری عمر
آئینے پوچھتے رہے، حیرت کو کیا ہوا
سارے دِیے بُجھا گئی اک بادِ بے لحاظ
کیا پوچھنا کہ شہرِ محبت کو کیا ہوا
اے شہرِ میرؔ! تیری روایت کو کیا ہوا
ہم تو سدا کے بندۂ زر تھے ہمارا کیا
نام آورانِ عہدِ بغاوت کو کیا ہوا
گرد و غبارِ کوچۂ شہرت میں آ کے دیکھ
آسودگانِ کنجِ قناعت کو کیا ہوا
گھر سے نکل کے بھی وہی تازہ ہوا کا خوف
میثاقِ ہجر! تیری بشارت کو کیا ہوا
اک چہرہ منکشف ہوا ایسا کہ ساری عمر
آئینے پوچھتے رہے، حیرت کو کیا ہوا
سارے دِیے بُجھا گئی اک بادِ بے لحاظ
کیا پوچھنا کہ شہرِ محبت کو کیا ہوا
افتخار عارف
No comments:
Post a Comment