نہ شورشِ غمِ دوراں نہ خودسری اپنی
بہت دنوں سے ہے گُم صُم سُخنوری اپنی
سپرد آئینہ کرتا نہ تھا وہ عکس اپنا
اسے عزیز تھی کس درجہ دلبری اپنی
یہ دوپہر تو ڈھلے، تجھ کو راکھ ہونا ہے
جتا نہ خاک نشینوں پہ برتری اپنی
نہ شوقِ خانہ بدوشی، نہ وُسعتوں کی ہوس
بسا گئی ہمیں صحرا میں بے گھری اپنی
اُجاڑ دل یہی چُپ چاپ سا کوہ قاف اپنا
یہیں کہیں کبھی رہتی تھی اِک پری اپنی
اُسی کا نقش ہے اب تک متاعِ جاں محسنؔ
ہوئی تھی جس سے مُلاقات سرسری اپنی
محسن نقوی
بہت دنوں سے ہے گُم صُم سُخنوری اپنی
سپرد آئینہ کرتا نہ تھا وہ عکس اپنا
اسے عزیز تھی کس درجہ دلبری اپنی
یہ دوپہر تو ڈھلے، تجھ کو راکھ ہونا ہے
جتا نہ خاک نشینوں پہ برتری اپنی
نہ شوقِ خانہ بدوشی، نہ وُسعتوں کی ہوس
بسا گئی ہمیں صحرا میں بے گھری اپنی
اُجاڑ دل یہی چُپ چاپ سا کوہ قاف اپنا
یہیں کہیں کبھی رہتی تھی اِک پری اپنی
اُسی کا نقش ہے اب تک متاعِ جاں محسنؔ
ہوئی تھی جس سے مُلاقات سرسری اپنی
محسن نقوی
No comments:
Post a Comment