اب کے ہم بچھڑے تو شايد کبھی خوابوں ميں مِليں
جس طرح سوکھے ہوئے پھول کتابوں ميں مليں
ڈھونڈ اجڑے ہوئے لوگوں ميں وفا کے موتی
يہ خزانے تجھے ممکن ہے خرابوں ميں مليں
غمِ دنيا بھی غمِ يار ميں شامل کر لو
تُو خدا ہے، نہ ميرا عشق فرشتوں جيسا
دونوں انساں ہيں تو کيوں اتنے حجابوں ميں مليں
آج ہم دار پہ کھينچے گئے جن باتوں پر
کيا عجب کل وہ زمانے کو نِصابوں ميں مليں
اب نہ وہ ميں ہوں نہ تُو ہے نہ وہ ماضی ہے فراز
جيسے دو سائے تمنا کے سرابوں ميں مليں
احمد فراز
No comments:
Post a Comment